University of Raparin Logo

                                     خزمەتگوزارییە پێویستەکان بۆ خوێندنی ئەلیکترۆنی و بەستەری ڤیدیۆی فێرکاری بە زمانی کوردی

                                                                          رێبەری وێب سایتی زانکۆی ڕاپەڕین

بڕیارەکانی سەرۆکایەتی زانکۆی راپەڕین سەبارەت بە شێوازی دەوامکردن

پاڵپشت بەبڕیارە نوێیەکانی لیژنەی باڵای ڕوبەڕوبونەوەی کۆرۆناو ڕاگەیاندنی وەزارەتی خوێندنی باڵاو توێژینەوەی زانستی سەبارەت بەشێوازی دەوامکردن لەزانکۆكاندا، سەرۆکایەتی زانکۆی راپەڕین، ئەم بڕیارانەی خوارەوەیدا:
١- وانەخوێندن لەسەرجەم کۆلێژ و بەشەکان دەبێتە ئۆنلاین و ئەلیکترۆنی و خوێندنی ناوکەمپەس لەرۆژی (1 – 4 – 2021) ەوە دەوەستێت.
٢- وانە پراکتیکیەکان لەناو کەمپەس بەردەوام دەبن بەڕەچاوکردنی تەواوی ڕێنماییە تەندروستییەکان .
٣- سەرجەم پڕۆسەی تاقیکردنەوەکان لەناو کەمپەس بەردەوام دەبن، بەپێی ئەو خشتەیەی لەکۆلێژەکان و بەشە زانستییەکان دانراوە، بەڕەچاوکردنی تەواوی ڕێنماییە تەندروستییەکان.
٤- بەشەناوخۆییەکان تەنیا بۆ ئەو خوێندکارانە کراوە دەبن کە خاڵەکانی (٢ ، ٣) دەیانگرێتەوە.
٥- هەڵسەنگاندنی ڕاهێنانی خوێندکارانی قۆناغی چوارەم لەهەردو کۆلێژی پەروەردە و پەروەردەی بنەڕەت بەردەوام دەبن لەناو کەمپەس.
٦- سەرجەم چالاکییە زانستیەکانی وەک سیمینارو کۆنفرانس و وێرکشۆپ و سیمپۆزیۆم و چالاکییەکانی تایبەت بەوێنەی دەرچونی خوێندکاران ڕادەگیرێن .
٧- ئەم بڕیارانەی سەرەوە وەک خۆیان بۆ خوێندنی باڵاش لەزانکۆمان جێبەجێدەکرێن .
٨- ئەم بڕیارانە لە ڕۆژی (١-٤-٢٠٢١) تا ڕۆژی (١٠-٤-٢٠٢١) و دەرکردنی ڕێنمایی و بڕیاری نوێی لێژنەی باڵای ڕوبەڕوبونەوەی کۆرۆنا جێبەجێ دەکرێن.
(هیوای سەلامەتی و تەندروستیی باش بۆ هەمو لایەک)

سەرۆکایەتی زانکۆی راپەڕین