University of Raparin Logo

زانکۆی ڕاپەڕین - خوێندنی باڵا

10 مامۆستای زانکۆی ڕاپەڕین بەشداری خولێکی ڕێکخراوی IREX بۆ پەرەپێدانی خوێندنی ئەلیکترۆنی دەكەن

دوێنی، ٣٠ی ٤ی ٢٠٢٠، بە فەرمی و بە ئامادەبوونی نوێنەرانى زانکۆکانى هەرێمى کوردستان هاوشان لەگەڵ زانکۆکانى دیکەى ناوچەکانى عێراق، خولی فێربوونی ئەلیکترۆنی Training of Trainers (ToT)، کە لەلایەن ڕێکخراوی ئایرێکیسی ئەمریکییەوە ڕێکخراوە، دەستی پێکرد و بۆ ماوەی ٨ هەفتە بەردەوام دەبێت و بەشێوەی سەرهێڵی دەبێت.

ئاگادارییەك بۆ خوێندكارانی بەشە ناوخۆییەكان

بەڕێوەبەرایەتی بەشە ناوخۆییەكانی زانكۆی راپەڕین، ئاگاداری سەرجەم خوێندكارانی نیشتەجێی بەشە ناوخۆییەكانی زانكۆی راپەڕین دەكاتەوە، كە لە رۆژی شەممە 30-5-2020 هیچ خوێندکارێک بۆ هیچ مەبەستێک سەردانی بەشەناوخۆییەکان نەکات، تا ئەو کاتەی ئاگادارتان دەکەینەوەو ماوەیەک دیاری دەکەین بۆ رادەستکردنەوەی بەشەناوخۆیی بە ئیدارەی بەشەکان.

ئاگادارییەک بۆ قوتابى و خوێندکارانى هەرێمى کوردستان

لە دەرەوەى وڵات

بەڕێوەبەرایەتى ڕاگەیاندنى وەزارەت

لە چوارچێوەى هەوڵە بەردەوامەکانى حکومەتى هەرێمى کوردستان و لایەنى پەیوەندار لە حکومەتى عێراقى فیدرال، بە ئاراستەى کار ئاسانى کردن بۆ ئەو خوێندکارو قوتابیانەى کە لەدەرەوەى وڵات دەخوێنن و بەهۆى بارودۆخى بڵاو بونەوەى ڤایرۆسى کۆرۆنا تا ئێستا لە دەرەوەى وڵاتن.

ئه‌نجامى تاقیکردنەوەى خولەکانى توانستى زمان ئینگلیزى ڕادەگەیەنرێت

وەزارەتى خوێندنى باڵا و توێژینەوەى زانستى ئەنجامى تاقیکردنەوەى خولەکانى توانستى زمانى ئینگلیزى لە زانکۆکانى هەرێمى کوردستان بۆ خوێندکارانی خوێندنی باڵا و خوازیارانى بەدەستهێنانى نازناوى زانستى ڕادەگەیەنێت.

د. محمد حوسێن سەرۆکى دەزگاى سەرپەرشتى و دڵنیایى جۆرى و سەرۆکی لێژنەی تایبەت بە پێداچوونەوە بە مەرج و ڕێنماییەکانی زمانی ئینگلیزی و ڕێکخستنەوەی کارو چالاکیەکانی سێنتەرەکانی زمان لە وەزارەتى خوێندنى باڵا و توێژینەوەى زانستى لە لێدوانێکدا بە وێبسایتى (www.mhe-krg.org)ى ڕاگەیاند: ئەمشەو پێنج شەممە ڕێکەوتى (٢٠٢٠/٨/٢٧) ئەنجامى تاقیکردنەوەکانى خولەکانى توانستى زمانى ئینگلیزى لە سەنتەرى زمانى زانکۆکانى هەرێمى کوردستان بۆ خوێندکارانی خوێندنی باڵا و خوازیارانى بەدەستهێنانى نازناوى زانستى لەلایەن سێنتەرەکانەوە ڕادەگەیەنرێت.

ئەنجومەنی وەزارەتی خوێندنی باڵا و توێژینەوەی زانستی: هەموو هەوڵەکانمان چڕ دەکەینەوە بۆ پاراستنی پرۆسەی خوێندنی ئەمساڵ و کۆمەڵێک بژاردەمان لەبەر دەستە

ئەنجومەنی وەزارەتی خوێندنی باڵا و توێژینەوەی زانستی:

هەموو هەوڵەکانمان چڕ دەکەینەوە بۆ پاراستنی پرۆسەی خوێندنی ئەمساڵ و کۆمەڵێک بژاردەمان لەبەر دەستە

بەڕێوەبەرایەتى ڕاگەیاندنى وەزارەت

پاش نیوەڕۆى ئەمڕۆ یەکشەمە ڕێکەوتى (٢٢/٣/٢٠٢٠) بەسەرپەرشتى د. ئارام محمد قادر سەرۆکى ئەنجومەنى وەزارەتى خوێندنى باڵا و توێژینەوەى زانستى کۆبونەوەى ژمارە (٣)ى ئەنجومەنى وەزارەت بەڕێوەچو، کە لە

بەشداربون لە خولەکانى زمانى ئینگلیزى لە (١٠٠) هەزار دینارەوە بۆ (٦٠) هەزار دینار کەمکرایەوە

بەڕێوەبەرایەتى ڕاگەیاندنى وەزارەت

لە فەرمانێکى وەزاریدا بە ژمارە (٤٨٩) لە ڕێکەوتى (٢٠٢٠/٧/٨) کە ئیمزاى د. ئارام محمد قادر وەزیرى خوێندنى باڵا و توێژینەوەى زانستى لەسەرەو پاڵپشت بە پێشنیازەکانى لێژنەى پێداچونەوە بە مەرج و ڕێنماییەکانى زمانى ئینگلیزى و سەرپەرشتى کردنى سەنتەرەکانى زمان بۆ کاروبارى زانستى و خوێندنى باڵا دەرچوە، خولەکانى زمانى ئینگلیزى بەشێوەى ئۆنلاین لە سەنتەرەکانى زمان دەستپێدەکاتەوە.

هاوکات بەرەچاوکردنى دۆخى دارایى و ئابورى بەشداربوانیش، بە فەرمانى وەزیرى خوێندنى باڵا و توێژینەوەى زانستى، بەشداربوانى خولەکانى تەواوکارى زمانى ئینگلیزى کە تەنیا تاقیکردنەوەى کۆتاى ئاست ئەنجامدەدەن، بەشداربونیان لە (١٠٠) هەزار دینارەوە بۆ (٦٠) هەزار دینار کەمکرایەوە.

https://mhe-krg.org/ku/node/4168

بەشی ئەندازیاری شارستانی پێویستی بە مامۆستای وانەبێژ و سەردان هەیە بۆ ساڵی خوێندنی ٢٠٢٠-٢٠٢١

بەشی ئەندازیاری شارستانی لە زانکۆی ڕاپەڕین پێویستی بە مامۆستا هەیە بەشێوەی سەردان یاخود وانەبێژ بۆ ساڵی خوێندنی ۲۰٢٠-۲۰٢١، بۆ ئەم وانانەی لای خوارەوە :

Semester Hours/week Year Subjects No
1 7 2 Fluid Mechanics 1
 4  2 Differential Equation 2
 5  2 Engineering Analysis 3
 3 Engineering Hydrology 4
 3 Architectural Design and Planning 5
2 & 1  4 Water Supply 6
2 & 1 Hydraulic Structure 7

تێبینی بۆ پێشکەشکردنی داواکاری :
١. ئەم ڕاگەیاندنە بۆ مامۆستای وانەبێژ و سەردانە، شایستە داراییەکان بە گوێرەی ڕێنماییە بەرکارەکانی وەزارەتی خوێندنی باڵا خەرج دەکرێت.
٢. سیڤی ساڵانی ڕابردوو لە بەر چاو ناگیرێت، تەنها کار بەم فۆرمە دەکرێت.
٣. دوا کات بۆ پێشکەش کردنی داواکاری ٢٩ ئابی٢٠٢٠
٤. لینکی فۆڕمی پێشکەشکردنی داواکاری https://forms.gle/vAifCAyHyo9bEfcC7

بەشی یاسا لەزانكۆی راپەڕین، پێویستی بەمامۆستا هەیە

بەشی یاسا لەكۆلێژی زانستە مرۆڤایەتییەكانی زانكۆی راپەرین، پێویستی بەمامۆستا هەیە لەپسپۆڕییەكانی (القانون المدنی و القانون التجاری)، بەپێی ئەم مەرجانەی خوارەوە:

1. هەڵگری بڕوانامەی دكتۆرا یان ماستەر بێت.

بەیانی لە زانكۆی راپەڕین پشوو دەبێت

وتەبێژی حكومەتی هەرێمی كوردستانیش د. جوتیار عادل رایگەیاند كە بەهۆی ئەو سەرماو سۆڵەی كە رووی لەهەرێمی كوردستان كردووە،

دەرفەتێکی ناوازەو هەلێکی زێرین بۆ خوێندکارانی زانكۆی راپەڕین

سەنتەری گەشەپێدانی کاری زانکۆی ڕاپەڕین خولێکی ئۆنلاینی نێودەوڵەتی لە ژێر ناونیشانی (ئەکادیمیای ئامادەکردنی پیشەیی) بۆ خوێندکارانی زانکۆی ڕاپەڕین رادەگەیێنێت ئەکادیمیای ئامادەکردنی پیشەیی خولێکی ئۆنلاینە کە لەلایەن رێکخراوی ئایرێکسی ئەمریکی و بە هاوکاری باڵیۆزخانه‌ی ئەمریکا لە عیراق و لەڕێگای سەنتەرەکانی گەشەپێدانی کارەوە لە کوردستان و عێراق بەڕێوەدەچێت. 

دەوامی كارگێڕی لەزانكۆی راپەڕین دەستیپێكردەوە

بەپەیڕەوكردنی رێنماییە تەندروستییەكان و بۆ راییكردنی كاروباری كارگێڕی زانكۆو ئامادەكارییەكان بۆ دەستپێكردنەوەی خوێندنی كامپەس، بەفەرمانی حكومەتی هەرێم لەرۆژی (11-5-2020)ەوە دەوامی كارگێڕی لەزانكۆی راپەڕین دەستپێكردۆتەوە.

لەئێستادا بەپێی رێنماییەكان و بۆ خۆپارێزی زیاترو سەمەلاتی فەرمانبەران، بەرێژەی لەسەدا (25 بۆ 30) دەوامی فەرمانبەران لەسەرۆكایەتی زانكۆ و كۆلێژو بەشەكانی دەستیپێكردۆتەوە.

دوو وێبینار دەربارەی توێژینەوەی زانستی بەڕێوەچوون

رۆژانی (17 و 18ی ئایاری 2020) بەبەشدارین دەیان توێژەرو مامۆستای زانكۆكانی كوردستان، دوو وێبیناری دیكەی زنجیرە وێبیناری زانكۆی راپەڕین دەرباری نوسین و بڵاوكردنەوەی توێژینەوەی زانستی بەڕێوەچوون.

زانكۆی راپەڕین زنجیرەیەك وێبینار لەلایەن چەندین کەسی شارەزا لەوڵاتان و دامودەزگای جیاوازەوە رێكدەخات

بڕیارە لەرۆژی (15ی ئایاری 2020)ەوە زانكۆی راپەڕین، زنجیرەیەک وێبینار دەربارەی (نوسین و میتۆدەكانی نوسینی توێژینەوەی زانستی) بۆ سەرجەم زانکۆکانی کوردستان رێكبخات. بەشێوەیەک کە هەر زانکۆیەک دەتوانێت بە (5) مامۆستا بەشداربێت.

مەرجەکانی بەشداربوون :

زانكۆی راپەڕین، ئەنجامی پەڵپی خوێندنی باڵا بڵاودەكاتەوە

فەرمانگەی یاریدەدەرێتی سەرۆكی زانكۆ بۆ كاروباری زانستی و خوێندنی باڵا، ئاگاداری كاندیدانی خوێندنی باڵای ماستەرو دكتۆرا دەكاتەوە، كە دوا بەدوای نوسراوی وەزارەتی خوێندنی باڵاو توێژینەوەی زانستی، فەرمانگەی توێژینەوەو پەرەپێدان بەژمارە (325) لەرۆژی (4 – 3 – 2020)، سەبارەت بەپەسەندكردنی ئەنجامی بەرایی خوێندنی باڵا – ماستەر بۆ ساڵی خوێندنی (2019 – 2020) و دوای دیاریكردنی (3) رۆژ بۆ تانەگرتن و لەلایەن لیژنەی تایبەتەوە وردبینی بۆ تانەكان كراو ئەنجامی تانەكان وەك خۆی مایەوە.

فەرمانگەی یاریدەدەرێتی سەرۆكی زانكۆ
بۆ كاروباری زانستی و خوێندنی باڵا

زانكۆی راپەڕین، بەدابینكردنی هۆڵی تاقیكردنەوەكان هاوكاری پەروەردەی رانیە دەكات

لەچوارچێوەی هەماهەنگی فەرمانگەكانی حكومەت و بەمەبەستی ئەنجامدانی تاقیكردنەوەكانی كۆتایی ساڵی پۆلی (12)ی ئامادەیی لەسنوری پەروەردەی رانیە، زانكۆی راپەڕین بەدابینكردنی ژمارەیەك لەهۆڵەكانی تاقیكردنەوە، هاوكاری پەروەردەی رانیە دەكات.

زانكۆی راپەڕین، هەماهەنگی زیاتر لەگەڵ پەروەردەكانی رانیەو پشدەر دەكات

زانكۆی راپەڕین، هەماهەنگی زیاتر لەگەڵ پەروەردەكانی رانیەو پشدەر دەكات

ئامادەکردنی: ھەور اسماعیل مسطفی
فۆتۆ: ئاکام عزیز

لەچەند رۆژی رابردوودا لیژنەیەكی پەروەردەكانی رانیەو پشدەرو سەرپەرشتیاری یەکەمی بنەڕەتی ھەردوو بەڕێوەبەرایەتی و سەرپەرشتیاری پسپۆڕی باخچەی منداڵان و زمانی کوردی، سەردانی زانكۆی راپەڕینیان كردو لەمیانی كۆبونەوەیەكدا لەگەڵ بەڕێزان (پ.ی.د. دارا تۆفیق كاكەئەمین) یاریدەدەری سەرۆکی زانکۆ بۆ کاروباری خوێندکاران و (پ.ی.د. رزگار حاجی ساڵح) راگری کۆلێژی پەروەردەی بنەڕەت، و جەخت لەهەماهەنگی زیاتر زانكۆی راپەڕین و پەروەردەكانی سنورەكە كرایەوە.

زانکۆی ڕاپەڕین لیستی ناوی پێشکەشکارانی پەسەندکراو بۆ خوێندنی باڵا(ماستەر- دبلۆمی باڵا) بڵاودەکاتەوە

ئەمڕۆ یەکشەممە ٩ی شوباتی ٢٠٢٠، نوسینگەی یاریدەدەری سەرۆکی زانکۆ بۆ کاروباری زانستی و خوێندنی باڵا/بەڕیوەبەرایەتی خوێندنی باڵا، لیستی ناوی پێشکەشکارانی پەسەندکراوی بۆ خوێندنی باڵا(ماستەر- دبلۆمی باڵا) لە زانکۆی ڕاپەڕین بەم شێوەیەی خوارەوە ڕاگەیاند.

زانکۆی ڕاپەڕین،تاقیکردنەوەی توانستی زانستی بۆ پێشکەشکارانی خوێندنی باڵا ئەنجامدرا

ئەمڕۆ دووشەممە١٠ی شوباتی ٢٠٢٠، كاتژمێر ١١ی سەرلەبەیانی، تاقیكردنەوەی توانستی زانستی پێشکەشکارانی خوێندنی باڵا(ماستەر- دبلۆمی باڵا) لە زانكۆی ڕاپەڕین بەڕێوەچوو.

لەژێر چاودێری بەڕێز پ.ی.د. موفق خالد ابراهیم سەرۆکی زانکۆ و بەسەرپەرشتی لیژنەیەکی تایبەت بەپڕۆسەی تاقیکردنەوەکانی خوێندنی باڵا لە زانکۆی ڕاپەڕین، تاقیکردنەوەی توانستی زانستی بۆ پێشکەشکارانی خوێندنی باڵا لە بەشەکانی(ماتماتیک،پەرستاری،فیزیا) ئەنجامدرا.

زانکۆی ڕپەڕین دوو وێرکشۆپی پڕۆگرامی گەنجانی سەرکردە (YLP) بەڕێوەدەبات

لەسەرەتای مانگی (2)ی ئەمساڵەوە، زانکۆی ڕاپەڕین بوو بە هاوبەشی پڕۆگرامی گەنجانی سەرکردەو لە چوارچێوەی ئەم پڕۆگرامەشدا هەر هاوبەشێک پێویستە کۆمەڵێک وێرکشۆپ و ڕاهێنان بۆ بەشداربوانی ئەنجامبدات.

ڕاگەیاندن بۆ پێداویستی مامۆستای دەرەکی (ماستەر + دکتۆرا) لە کۆلێژی زانستە ئەندازیارییە کشتوکاڵیەکان بۆ وەرزی یەکەمی ساڵی خوێندنی ئەکادیمی (٢٠٢٠-٢٠٢١).

داوا لە خوازیارانی بەڕێز دەکەین کە بە گوێرەی مەرج و ڕێنماییەکانی ناو ئەم بەستەرانەی خوارەوە دەتوانن داواکاری پێشکەش بکەن بۆ مەبەستی سەرەوە تا بەرواری ١-٨-٢٠٢٠.

بەستەری تایبەت بە : مامۆستایانی سەردان، بەشی سامانی ئاژەڵی

 

بەستەری تایبەت بە : مامۆستایانی سەردان، بەشی باخداری

 

ڕینماییەکانى وەرگرتن لە زانکۆ حکومیەکان

قوتابیان و خوێندکاران دەتوانن لەڕێگەى ئەم لینکەى خوارەوە ئاشنابن بە ڕینماییەکانى وەرگرتن لە زانکۆ حکومیەکان...
بۆ خوێندنەوەى ڕێنماییەکان کلیک لەسەر ئەم لینکەى خوارەوە بکە...

ستافی بەشی تاقیگەی پزیشكی زانکۆی راپەڕین خۆبەخشانە لەتاقیگەی ناوەندی رانیە پشكنینی كۆرۆنا بۆ هاونیشتمانیان دەكەن

بەدەیان مامۆستاو توێژەرو یاریدەدەری توێژەر لەستافی بەشی تاقیگەی پزیشكی لەزانكۆی راپەڕین، خۆیان ناونوس كردووەو لەئێستادا رۆژانە بەشێوەی خۆبەخشانە لەتاقیگەی ناوەندی رانیە پشكنینی ڤایرۆسی كۆرۆنا بۆ هاونیشتمانیان ئەنجامدەدەن.

سەنتەری ڕاهێنانی پێداگۆجی و پەرەپێدانی ئەکادیمی، خوازیارانی خولی پێداگۆجی نازناوی زانستی ئاگادار دەکاتەوە

سەنتەری ڕاهێنانی پێداگۆجی و پەرەپێدانی ئەکادیمی زانکۆی ڕاپەڕین خوازیارانی خولی پێداگۆجی نازناوی زانستی ئاگادار دەکاتەوە کە هەرکەسێک مەرجەکانی تێدایە دەتوانێت ناونووسینی سەرەتایی لەڕێگەی فۆڕمی هاوپێچەوە تۆمار بکات. 

سیمپۆزیۆمێکی زانستی دەربارەی نەخۆشیە باوەکانی سەردەم بەڕێوەچوو

ئەمڕۆ سێ شەممە ۱۸ی شوباتی ۲۰۲۰، لە زنجیرەی چالاکییە زانستیەکانیدا ڕاگرایەتی کۆلێژی زانست لە زانکۆی ڕاپەڕین، سیمپۆزیۆمێکی لە ژێرناونیشانی (نەخۆشیە باوەکانی سەردەم ) ڕێکخست.

لە دەستپێکی سیمپۆزیۆمەکەدا، وتاری ڕاگرایەتی کۆلێژی زانست لەلایەن مامۆستا دارا محمد خوێندرایەوە.

کۆبونەوەی ئەنجومەنی زانکۆ

دوێنێ ١٨ /٣ /٢٠٢٠ ئەنجومەنی زانکۆ کۆبونەوەیەکی نائاسایی بەست ، کۆبونەوەکە تەرخان کرابو بە تاوتوێکردنی ڕەوشی خوێندن و ئایندەی ئەمساڵی خوێندن دوای ئەو ڕێوشوێنانەی بە هۆی بڵاوبونەوەی کۆرۆنا ڤایرەسەوە سەریان هەڵداوە، لە کۆبونەوەکەدا سەرنج و پێشنیاری جیاواز خرانە ڕوو وە بڕیاردرا سەرجەمیان ئاراستەی وەزارەتی خوێندنی باڵا بکرێت،

مامۆستایەكی زانكۆی راپەڕین، توێژینەوەیەكی لە گۆڤارێكی ئیمپاكت ( 5.546) بڵاوكردەوە

مامۆستایەكی زانكۆی راپەڕین، توێژینەوەیەكی هاوبەشی لەگەڵ دوو توێژەری دیكە لەگۆڤارێكی زانستی نێودەوڵەتی خاوەن ئیمپاكت فاكتەری بەرز بڵاوكردەوە.

مامۆستایەكی زانكۆی راپەڕین، سكۆلەرشیپێكی لەحكومەتی هۆڵەندا بەدەستھێنا

مامۆستایەكی زانكۆی راپەڕین، توانی دوای پێشكەشكردنی پڕۆپۆزەڵ و پێداویستییەكانی سكۆلەرشیپی وەزارەتی كاروباری دەرەوەی هۆڵەندا، توانی كۆرسێكی سكۆلەرشیپی كورتخایەنی یەك مانگی دەربارەی ( Public Interest Journalism) ڕۆژنامەوانی بەرژەوەندی گشتی، كە كۆرسەكە لە (RNTC - Radio Netherlands Training Centre) بەدەستبهێنێت، كە لەشاری Hilversumی هۆڵەندا بەڕێوەدەچێت،. 

مامۆستایەکى زانکۆى ڕاپەڕین کتێبێک دەربارەی ڕەخنەى ئەدەبی بڵاوکردەوە

مامۆستایەكی زانكۆی راپەڕین، بەناوی بارزان عەلى پیرۆت مامۆستا لەبەشى زمانى کوردى کۆلێژى پەروەردەى بنەڕەت کتێبێکى لەبوارى ڕەخنەى ئەدەبى-دا بڵاوکردەوە.

مامۆستا بارزان عەلی بەراگەیاندنى زانکۆى راپەڕین راگەیاند: ئەم کتێبە بە ناونیشانى (دیاردەناسیی مرۆڤ لەشیعرەکانى نالی-دا)، لە بنەڕەتدا توێژینەوەی ماستەرەو لێکۆڵینەوەیەکى ڕەخنەى ئەدەبییە بۆ خوێندنەوەى مرۆڤ لە شیعرەکانى نالی-دا بە پشتبەستن بە میتۆدى دیاردەناسى. کە دیاردەناسى، یەکێکە لەو میتۆدە فەلسەفییە كاریگه‌رانه‌ى، كه‌ له‌گه‌ڵ سه‌رهه‌ڵدان و نه‌شونماكردنى، توانى كار بكاته‌ سه‌ر ڕه‌خنه‌ى ئه‌ده‌بى و دواجار ڕێگه‌یه‌كى نوێى خۆشكرد بۆ سه‌رله‌نوێ كه‌شفكردنى ئه‌و دنیا ئاڵۆزو مانا جیاوازانه‌ى، كه‌ ده‌شێت له‌ به‌رهه‌مى ئه‌ده‌بیدا، به‌رجه‌سته‌ بووبن.وتیشی: ئه‌م مێتۆده‌، به‌شێوه‌یه‌كى سیستماتیك له‌سه‌ر ده‌ستى ئەدمۆند هۆسرڵ سەریهەڵدا، دواتر به‌ به‌كارهێنان و گه‌شه‌پێدانى له‌ لایه‌ن بیرمه‌ند و نووسه‌رانی ترى وه‌ك(مارتن هایدگەر و ژان پۆڵ سارتەر)، توانى ڕێڕه‌وێک و ئاسۆیه‌كی دیکەى‌ له‌به‌رده‌مى خوێنه‌ردا بۆ خوێندنه‌وه‌ى به‌رهه‌مى ئه‌ده‌بى بخاته‌ به‌رچاو و گه‌وره‌ترین كاریگه‌رى له‌سه‌ر كۆى ڕه‌خنه‌ى ئه‌ده‌بى دابنێ.

نۆ مامۆستای زانکۆی ڕاپەڕین خولێکی پێشکەوتووی خوێندنی ئەلیکترۆنیان تەواوکرد

ئەمڕۆ، ١٧ی ئابی ٢٠٢٠، بە ئامادەبوونی سەرۆکی زانکۆی راپەڕین بەڕێز پ.ی. د. مۆفەق خالد، بڕوانامەی سەرۆكایەتی زانكۆی بەخشرایە (9) مامۆستای زانكۆی راپەڕین كە بە سەرکەوتوویی خولێکی پێشکەوتووی خوێندنی ئەلیکترۆنی ڕێکخراوی ئایرێکسی ئەمەریکیان تەواوکرد.

وەزارەتى خوێندنى باڵاو توێژینەوەى زانستى ماوەى (زانکۆلاین)ى بۆ ٢٤ سەعاتى داهاتو درێژدەکاتەوە

هەولێر ، هەرێمی كوردستان ، عیراق (GOV.KRD)- عەباس ئەکرەم وتەبێژى وەزارەتى خوێندنى باڵا و توێژینەوەى زانستى لەلێدوانێکیدا رایگەیاند: لەپێناو پێدانى دەرفەتى زیاتر بە دەرچوانى دوانزەى ئامادەیى بۆ ئەوانەى تا ئێستا فۆڕمى (زانکۆلاین)یان پڕنەکردۆتەوە یان تەواویان نەکردوە، بڕیاردرا ماوەى زانکۆلاین (٢٤) سەعاتى دیکە واتە تا سەعات (١٢)ی شەوى رۆژى سێشەمە رێکەوتى (٢٠٢٠-١٠-٢٠) بۆ دەرچوانى قۆناغى دوانزەى ئاماەیی درێژبکرێتەوە.