University of Raparin Logo

                                     خزمەتگوزارییە پێویستەکان بۆ خوێندنی ئەلیکترۆنی و بەستەری ڤیدیۆی فێرکاری بە زمانی کوردی

                                                                          رێبەری وێب سایتی زانکۆی ڕاپەڕین

زانکۆی ڕاپەڕین - توێژەر

توێژەرێكی زانكۆی راپەڕین، رێگایەكی تازەی لەسەر ئاستی جیهان بۆ دیاریكردنی دژە زیندەییەكان (Antibiotic) لەناو خۆراك و ژینگەدا دۆزیوەو 24 سترەینی تازەی بەكتریایەكی دیاریكرد

راگەیاندنی زانكۆ

مامۆستا شەهلا محمد، توێژەرێكی زانكۆی راپەڕینەو لەتێزی دكتۆراكەیدا بەو دەرەنجامە گەیشتووە كە (24) سترەنی نوێی بەكتریای (Streptococcus pneumoniae) لەهەرێمی كوردستان دۆزیوەتەوەو بە چەندین دەرەنجامی زانستی دیكەش گەیشتووە، كە لە رۆژى یەکشەمە (23ی ئابی 2020)، لەمیانی گفتوگۆی تێزی دكتۆراكەی بەناونیشانی (Multi Locus Sequence Typing (MLTS) and molecular identification of penicillin binding protein in Streptococcus pneumoniae isolated from children in Iraqi Kurdistan Region ) كە لەزانكۆی كۆیە ئەنجامدرا، سەرپەرشتیاری توێژینەوەكە پڕۆفیسۆر دكتۆر شوان كەمال رشید، ئەو دەرەنجامانە خرانەڕوو.

راگری كۆلێژی زانسته‌ مرۆڤایه‌تیه‌كان به‌شداری له‌ۆێركشۆپێكی نێوده‌وڵه‌تی كرد

ئه‌مرۆ دووشه‌ممه‌ (23-11-2020) راگری كۆلیژی زانسته‌ مرۆڤایه‌تیه‌كانی زانكۆی راپەڕین (پ.ی.د پێشه‌وا حمید) به‌شداریكرد له‌ۆێركشۆپی نێوده‌وڵه‌تی خاچی سوری نێوده‌وڵەتی كه ‌له‌لایه‌ن لقی به‌غدادی ڕیكخراوه‌كه‌ به‌شیوه‌ی ئۆنلاین ڕیكخرابوو‌.

لەژێر ناونیشانی "چاودێری ته‌ندروستی له‌مه‌ترسیدایه‌" ۆێركشۆپه‌كه‌ ساڵانه‌ به‌رێوه‌ده‌چێت و له‌مساڵدا بابه‌تی توندوتیژی به‌رامبه‌ر كارمه‌ندانی ته‌ندروستی و توندوتیژی به‌رامبه‌ر بریندارو نه‌خۆشه‌كان له‌كاته‌كانی جه‌نگدا تەوەری سەرەکی ۆێرکشۆپەکە بون.

زانکۆی ڕاپەڕین، بەشداری لەرێكخستنی کۆنفڕانسێکی نێودەوڵەتی دەكات

بەشی زمانی عەرەبی کۆلێژی پەروەردەی زانكۆی راپەڕین، بەمەبەستی ئامادەسازی بۆ ئەنجامدانی کۆنفڕانسێکی زانستی نێودەوڵەتی هاوبەش لەگەڵ زانکۆی کوردستان لەئێران و هەردوو زانکۆی مالایاو یونیزا لە مالیزیاو زانکۆی سۆران لە هەرێمی کوردستان کوبونەوەیەکی ئەنجامدا. 

مامۆستایەكی زانكۆی راپەڕین، بڕوانامەی دكتۆرای بەدەستهێنا

مامۆستا بەختیار عبداللە كەریم، مامۆستا لەبەشی مێژوو لەكۆلێژی زانستە مرۆڤایەتییەكانی زانكۆی راپەڕین، رۆژی (19 – 11 -2020) لەكۆلێژی زانستە مرۆڤایەتییەكانی زانكۆی سلێمانی گفتوگۆی تێزی دكتۆراكەی ئەنجامدراو بڕوانامەی دكتۆرای پێبەخشرا.

مامۆستایەكی زانكۆی راپەڕین، توێژینەوەیەك لەگۆڤارێكی ئیمپاكت (4.082) بڵاودەكاتەوە

مامۆستایەكی بەشی یاسا لەكۆلێژی زانستە مرۆڤایەتییەكانی زانكۆی راپەڕین، توێژینەوەیەكی زانستی لەگۆڤارێكی ئاستبەرزی جیهانی كە ئیمپاكت فاكتەری (4.082)ە بڵاودەكاتەوە.

مامۆستایەكی زانكۆی راپەڕین، توێژینەوەیەكی لەگۆڤاری ئیمپاكت فاكتەری (۷.۲٤٦) بڵاوكردەوە

مامۆستایه‌کی زانکۆی ڕاپه‌ڕین تازه‌ترین توێژینه‌وه‌ی زانستی بەهاوبەشی لەگەڵ ژمارەیەك توێژەری دیكە، لەگۆڤاری خاوەن ئیمپاكت فاكتەری (۷.۲٤٦) بڵاوكردەوە‌، که‌ به‌رزترین ئیمپاکتی کاریگه‌ری بواری زانستە مرۆڤایەتیی و کۆمه‌لایه‌تییه‌کانه‌ بۆ ساڵی خوێندنی ۲۰۲۰-٢٠٢١، لەزانكۆكانی هەرێمی كوردستاندا.

مامۆستایەكی زانكۆی راپەڕین، توێژینەوەیەكی لەگۆڤارێكی ئیمپاكت فاكتەری (2.849) بڵاوكردەوە

مامۆستایه‌کی زانکۆی ڕاپه‌ڕین تازه‌ترین توێژینه‌وه‌ی زانستی خۆی بەهاوبەشی لەگەڵ ژمارەیەك توێژەری دیكەی بیانی، لەگۆڤارێكی خاوەن ئیمپاكت فاكتەری (2.849) بڵاوكردەوە‌.
پڕۆفیسۆری یاریدەدەر دكتۆر (ئاراز ڕه‌مه‌زان) مامۆستا له‌ به‌شی كارگێڕی كۆلێژی زانستە مرۆڤایەتییەكان و بەڕێوەبەری راگەیاندنی زانکۆی ڕاپه‌رین، تازه‌ترین توێژینه‌وه‌ی زانستی خۆی لەژێر ناونیشانی (Panic buying in Bangladesh? An explorative analysis of media reports) لەگۆڤاری (Frontiers Psychiatry) بڵاوكردەوە.

مامۆستایەكی زانكۆی راپەڕین، كتێبێكی زانستی بڵاوكردەوە

مامۆستایەكی زانكۆی راپەڕین، كتێبێكی زانستی لەبواری مێژووی كۆندا چاپ و بڵاوكردەوە.

پ.د.عماد عبدالقادر محمد سعید، مامۆستا لەبەشی مێژوو لەكۆلێژی زانستە مرۆڤایەتییەكانی زانكۆی راپەڕین، كتێبێكی زانستی بەزمانی عەرەبی و بەناونیشانی "نظرة تحليلية لسمات الشخصية الكوردستانية في العصور التاريخية القديمة" بڵاوکردەوە.
لەم پەرتوکەدا نوسەر تیشکی خستۆتە سەر سیماکانی کەسایەتی کوردستانی لەچاخەکانی مێژووی کۆندا کە زۆر لەو سیمایانە لەکەسایەتی ئێستای کوردیدا بەدیدەکرێن.

مامۆستایەكی زانكۆی راپەڕین، كتێبێكی لەبواری فەلسەفەدا بڵاوكردەوە

دەزگای (دار دجلة ناشرون و موزعون) لەعمان، ئەردەن کتێبکی (پ.ی.د. مسلم حسن)، مامۆستای بەشی فەلسەفە لەكۆلێژی زانستە مرۆڤایەتییەكانی زانکۆی راپەڕین بە ناونیشانی (صناعة الدولة التبرير الفلسفي لنظام الحكم الشمولي دراسة في فلسفة هوبز السياسية) چاپ و بڵاوكردەوە.

مامۆستایەکى زانکۆى ڕاپەڕین کتێبێک دەربارەی ڕەخنەى ئەدەبی بڵاوکردەوە

مامۆستایەكی زانكۆی راپەڕین، بەناوی بارزان عەلى پیرۆت مامۆستا لەبەشى زمانى کوردى کۆلێژى پەروەردەى بنەڕەت کتێبێکى لەبوارى ڕەخنەى ئەدەبى-دا بڵاوکردەوە.

مامۆستا بارزان عەلی بەراگەیاندنى زانکۆى راپەڕین راگەیاند: ئەم کتێبە بە ناونیشانى (دیاردەناسیی مرۆڤ لەشیعرەکانى نالی-دا)، لە بنەڕەتدا توێژینەوەی ماستەرەو لێکۆڵینەوەیەکى ڕەخنەى ئەدەبییە بۆ خوێندنەوەى مرۆڤ لە شیعرەکانى نالی-دا بە پشتبەستن بە میتۆدى دیاردەناسى. کە دیاردەناسى، یەکێکە لەو میتۆدە فەلسەفییە كاریگه‌رانه‌ى، كه‌ له‌گه‌ڵ سه‌رهه‌ڵدان و نه‌شونماكردنى، توانى كار بكاته‌ سه‌ر ڕه‌خنه‌ى ئه‌ده‌بى و دواجار ڕێگه‌یه‌كى نوێى خۆشكرد بۆ سه‌رله‌نوێ كه‌شفكردنى ئه‌و دنیا ئاڵۆزو مانا جیاوازانه‌ى، كه‌ ده‌شێت له‌ به‌رهه‌مى ئه‌ده‌بیدا، به‌رجه‌سته‌ بووبن.وتیشی: ئه‌م مێتۆده‌، به‌شێوه‌یه‌كى سیستماتیك له‌سه‌ر ده‌ستى ئەدمۆند هۆسرڵ سەریهەڵدا، دواتر به‌ به‌كارهێنان و گه‌شه‌پێدانى له‌ لایه‌ن بیرمه‌ند و نووسه‌رانی ترى وه‌ك(مارتن هایدگەر و ژان پۆڵ سارتەر)، توانى ڕێڕه‌وێک و ئاسۆیه‌كی دیکەى‌ له‌به‌رده‌مى خوێنه‌ردا بۆ خوێندنه‌وه‌ى به‌رهه‌مى ئه‌ده‌بى بخاته‌ به‌رچاو و گه‌وره‌ترین كاریگه‌رى له‌سه‌ر كۆى ڕه‌خنه‌ى ئه‌ده‌بى دابنێ.

مامۆستایەکی زانکۆی ڕاپەڕین، سێ کتێبی بڵاوکردنەوە

مامۆستایەكی بەشی زمانی کوردی لەكۆلێژی پەروەردەی بنەڕەتی زانكۆی راپەڕین، بەناوی (پ.ی.د. شێروان حسێن)، سێ کتێبی بەناونیشانەکانی (ناسینی واتاسازی، ئێرگەتیڤ لە زمانی کوردیدا، زمان و سیاسەت) چاپ و بڵاوكردنەوە.