University of Raparin Logo

خوێندکارانی بەشی یاسای زانکۆی راپەڕین، لەپێشبڕکێیەکی نێودەوڵەتی یەکەم بوون

چاپکردن ئیمەیڵ

رۆژانی (١١ - ١٢ - ٢ - ٢٠١٨)، لەشاری ھەولێر پێشبرکێی ساڵانەی نێودەوڵەتی رێکخراوی Jessupی ئەمریکی کە تایبەتە بەکۆلێژو بەشەکانی یاسا لەسەر بابەتێکی یاسایی لەدادگای دادی نێودەوڵەتی بەڕێوەچوو.
ژمارەیەک لەخوێندکارانی بەشی یاسا لەزانکۆی راپەڕین بەشدارییان لەپێشبڕکێیەکەدا کردو لەسەر ئاستی زانکۆکانی عێراق و ھەرێمی کوردستان لەئامادەکردنی میمۆریالەکان پلەی یەکەممان بەدەست ھێنا.

لە ڕۆژی ڤالانتاین چالاکییەکی هونەری بەڕێوەچوو

چاپکردن ئیمەیڵ

ئەمڕۆ چوارشەممە ۱٤ی شوباتی ۲۰۱۸، هۆبەی ڕۆشنبیری زانکۆی ڕاپەڕین بەبۆنەی ڕۆژی ڤالانتاین کە ناسراوە بە ڕۆژی خۆشەویستی کۆنسێرتێکی هونەری سازکرد.

کۆنسێرتەکە بۆ هونەرمەند سیڤان عباس و میوزسیان کوردۆ سەردار و ڕێباز صادق سازکرا بوو، تیایدا چەندین گۆرانی و پارچە میوزیکیان پێشکەشی خوێندکارانی زانکۆ کرد.

درێژەی بابەت

زانكۆی راپەڕین، هەواڵێكی ناڕاستی (خەندان)، رەتدەكاتەوە

چاپکردن ئیمەیڵ

روونكردنەوە
سەرۆكایەتیی زانكۆی راپەڕین، دەربارەی هەواڵێكی نادروستی پێگەی ئەلیكترۆنیی (خەندان)، كە رۆژی دوو شەممە (12-2-2018)، بە ناونیشانی (یەكەم دانیشتنی دادگا لەسەر سكاڵایەك دژی وەزیری خوێندنی باڵا و بەرپرسێكی زانكۆی راپەڕین بەڕێوەدەچێت)، بڵاوكراوەتەوە، روونكردنەوە دەدات و سەرلەبەری ناوەڕۆكی هەواڵەكەش بە ناڕاست دەزانێت، و راستییەكان بۆ رایگشتی و راگەیاندنەكان دەخاتەڕوو.
لە هەواڵەكەدا، باس لە دروستكردنی لیژنە كراوە بە هۆی هەڵوێستی سیاسییەوە، سەبارەت بەوەی كە هۆكاری دورخستنەوەی ناوبراو "سیاسیی" بوبێت، بۆ رایگشتی روونیدەكەینەوە، كەوا ناوبراو بە دیاریكراوی لەسەر ئەم دوو كەیسەی خوارەوە لیژنەی بەدواداچوون و لێكۆڵینەوەی لەسەر دروستكراوە:
1 .دوای سكاڵای زارەكیی چەند خوێندكارێك، كە گوایە ناحەقیان بەرامبەر كراوە لە خوێندنی ئێواران، زانكۆمان لیژنەیەكی بەدواداچوونی پێكهێنا، دەركەوت كە سكاڵای سكاڵاكاران راست بوو، بۆ نمونە: چەند خزمێكی زۆر نزیکی خۆی، بەدەر لە رێنماییە كارپێكراوەكان و بە بێ ئاگاداریی تۆماری گشتیی، لە كۆلێژی پەروەردەی بنەڕەت وەرگرتون، و چەندین كەسی تریش لەبەر كاریگەریی كەسانی حزبی و كۆمەڵایەتی وەریگرتون، سەرەڕای ئەوەی بەشێك لەوانە دەوامیان نەكردوە، تەنها بۆ تاقیكردنەوەكانی سەری ساڵ ئامادەبوون، كە ئەمە بە هیچ شێوەیەك رێگەپێدراو نییە، جگەلەوەی ئەم كارانە نایاسایین، دژ بە عەدالەتی كۆمەڵایەتیشن.
2 .لەساڵی (2015 – 2016)دا (7) خوێندكار لەسەر گزیكردن (غش) هەرخۆی فەرمانی كارگێڕی بە (كەوتن) بۆ ئەو ساڵە بۆ دەركردن، بەڵام دواتر ئەم كەیسەی هێنایە ئەنجومەنی زانكۆو داوایكرد كە ناوبراوان بۆیان هەبێت دووبارە تاقیكردنەوەكان بكەنەوە، بەڵام ئەنجومەن بە كۆی دەنگ (جگەلە ناوبراو) داواكەیان رەتكردەوەو پێیانڕاگەیاند، كە ئەم كارە پێچەوانەی رێنمایی تاقیكردنەوەكانە، بەڵام ناوبراو بێ گوێدان بە یاساو رێنماییەكان دووبارە تاقیكردنەوەی پێ كردونەتەوە، لەكاتێكدا خوێندكاری تر هەیە، كە (سڕینەوەی ناو)ی بۆ كراوە بەپێی رێنماییەكان، كە دیسان ئەمەش پێچەوانەی یاساكانی وەزارەت و دژ بە پرەنسیپی عەدالەتی كۆمەڵایەتییە.
هەر لە هەواڵەكەدا، باس لەوەكراوە كە بەڕێز (پ.ی.د. موفق خالد ابراهیم)، لەدەرەوەی یاساو رێنماییە كارپێكراوەكان مومارەسەی دەسەڵاتەكانی سەرۆكی زانكۆ دەكات، لێرەدا بەپێویستی دەزانین روونیبكەینەوە، كە بەڕێز (پ.ی.د. موفق خالد ابراهیم)، كە لە هەمانكاتدا یاریدەدەری سەرۆكی زانكۆیە بۆ كاروباری كارگێڕیی و دارایی لە زانكۆی راپەڕین، بە فەرمانی وەزاری و بەپێی یاساو رێنماییەكانی وەزارەتی خوێندنی باڵاو توێژینەوەی زانستی راسپێردراوە، بۆ ئەوەی بە وەكالەت سەرۆكی زانكۆ بێت، و دانانی سەرۆكی زانكۆش بە وەكالەت لە دەسەڵاتی بەڕێز وەزیری خوێندنی باڵاو توێژینەوەی زانستییدایە، بەپێی یاساو رێنماییە كارپێكراوەكانی وەزارەتی خوێندنی باڵاو توێژینەوەی زانستی.
لەكۆتاییشدا بۆ رایگشتی رووندەكەینەوە: ئەو كەیسەی ناوبراو باسی كردووە، كە گوایە لەسەر بڕە پارەی بەشە ناوخۆییەكان لەسەر كارلابرابێت، بەهیچ شێوەیەك راست نییەو نە لەلایەن ئێمەو نە لەلایەن وەزارەتیشەوە پرسیاری لێ نەكراوە. هەروەها بەهۆی خراپیی ئیدارەدانی دارایی ناوبراو، تائێستاش زانكۆ دەیان ملیۆن دینار قەرزی بۆ ناوبراو داوەتەوە.
پێشمانوایە ئەم جۆرە لەبڵاوكردنەوەی هەواڵ و زانیاریی ناڕاست لەراگەیاندنەكان لەلایەن ناوبراوەوە تەنها بۆ مەرامی سیاسییە و جۆرێكە لە بانگەشەی سیاسیی، ئەگەریش پێیوایە، مافی خوراوە دەتوانێت لە دادگا مافی خۆی وەربگرێتەوە.
سەرۆكایەتیی زانكۆی راپەڕین